Ամսվա ամփոփում. Նոյեմբեր 2024

Ձեզ ենք ներկայացնում Armagora.am հարթակում նոյեմբերին անցկացված հարցումների և քննարկումների արդյունքները:

ՀԱՐՑՈՒՄՆԵՐ (բոլոր տվյալները դեկտեմբերի 2-ի դրությամբ)

Շարունակելով թեմատիկ հարցումները՝ նոյեմբերին կենտրոնացանք անվտանգային խնդիրների, Հայաստանի ու հայության վրա ԱՄՆ նախագահական ընտրությունների հնարավոր ազդեցության և առողջապահական հարցերի վրա: Ներկայացնում ենք նոյեմբերին անցկացված երեք հարցումների արդյունքները:

1. Առողջապահություն

Հարցմանը մասնակցեց 282 մարդ: Մասնակիցների 38 տոկոսի կարծիքով
առողջապահական համակարգն ընդհանրապես չի բավարարում քաղաքացիների կարիքները:

Որքանո՞վ է Հայաստանի առողջապահական համակարգը բավարարում քաղաքացիների կարիքները:

2. Հայաստան-Սփյուռք. առանցքային հիմնախնդիրներ

Մասնակիցների թվով հարցումը դարձավ ռեկորդային՝ 1180 մարդ: Ամենասուր հարցին՝ Հայաստանը պե՞տք է հրաժարվի Ցեղասպանության միջազգային ճանաչումից, թե ոչ, 95 տոկոսը պատասխանեց՝ ոչ:

Հայաստանը պե՞տք է հրաժարվի Ցեղասպանության միջազգային ճանաչումից:

3. Անվտանգություն, պաշտպանություն, արտաքին քաղաքականություն

Անվտանգային թեմաների վերաբերյալ հարցումը դեռ շարունակվում է՝ գրանցելով նույնպիսի ակտիվություն, ինչ նախորդ հարցումը: Դեկտեմբերի 2-ի դրությամբ մասնակցել է 399 մարդ:
Ի թիվս այլնի, հարցերը վերաբերում են Հայաստան-ՀԱՊԿ, Հայաստան-ՆԱՏՕ հարաբերություններին: Մասնակիցների մոտ կեսը կարծում է, որ Հայաստանը պետք է դուրս գա ՀԱՊԿ-ից:

Արդյո՞ք Հայաստանը պետք է դուրս գա ՀԱՊԿ-ից

ԶՐՈՒՅՑՆԵՐ

Քվեարկության արդյունքների շուրջ հանրային քննարկում խթանելու նպատակով հարցումներին զուգահեռ անցկացվեցին «Արի՛ խոսենք» (Ask Me Anything) ձևաչափով թեմատիկ հարց-պատասխաններ, որի ընթացքում փորձագետներն ուղիղ եթերում պատասխանեցին Armagora.am-ի օգտատերերի հարցերին:

• Առողջապահության վերաբերյալ հարցերին պատասխանեց բժիշկ-գենետիկ, գիտնական, ֆուտուրիստ Կարինե Սարգսյանը: Նա խոսեց բժշկագիտության ոլորտում գիտական առաջընթացի, Հայաստանում ոլորտի հետ կապված հարցերի մասին:

• Հայաստան-Սփյուռք թեմայի շրջանակում հաղորդաշարը հյուրընկալեց Ամերիկայի հայկական համագումարի հոգաբարձուների խորհրդի համանախագահ Էնթոնի Բարսամյանին: Գլխավոր թեման ԱՄՆ նախագահական ընտրությունների արդյունքներն էին ու հայ-ամերիկյան հարաբերությունների ապագան:

ՀՈԴՎԱԾՆԵՐ

Մեր հարցումներից ստացվող տվյալները մշակելու և վերլուծելու, դրանց շուրջ հանրային քննարկումներն ակտիվացնելու նպատակով մենք սկսել են հոդվածների շարք: Այս պահին մեր հոդվածագիրը կանադահայ լրագրող Րաֆֆի Էլիոթն է: Առաջին հոդվածը վերաբերում է էներգետիկ անվտանգության թեմայով հարցումների արդյունքներին:

Քննարկումների խթանմանը միտված Armagora.am հարթակն ունի մեկ նպատակ. մեկտեղելով ամբողջ հայության միտքը՝ փորձել միասին գտնել լուծումներ այսօրվա և վաղվա համար:

Միացե՛ք բովանդակային զրույցներին, որոնց արդեն մասնակցում են հարյուրավոր հայեր աշխարհի տասնյակ երկրներից, կիսվե՛ք Ձեր մտքերով և փորձով՝ միանալով ավելի լավ ապագա կառուցելու մեր ջանքերին:

Armagora
Արի՛ խոսենք: