|
ՀՈԴՎԱԾՆԵՐ
Եվ իհարկե Հոդվածներ բաժինը, որտեղ կարող եք ծանոթանալ
փորձագիտական հետազոտությունների հետ՝ նվիրված
ամենատարբեր թեմաներին: Այս բաժնում կան բացառիկ
ուսումնասիրություններ, որոնք լույս են սփռում մեր
երկրի և ժողովրդի անվտանգության, ողջամիտ կառավարման,
Հայաստան-Սփյուռք հարաբերությունների ապագայի,
առողջապահության, կրթության և բազում այլ հարցերի
վրա:
Ամսվա 3 ամենաընթերցված հոդվածները՝
Պատերազմն
ու խաղաղությունը փոքր պետությունների միջև
մրցակցային բազմաբևեռ դարաշրջանում
Հոդվածի հեղինակը Միջազգային
հարաբերությունների դոկտոր (Լոնդոն) Էդուարդ
Աբրահամյանն է: Այս վերլուծությունը ներկայացնում է
մեր օրերում տեղի ունեցող գլոբալ ցնցումների
անատոմիան՝ բացատրելով, թե ինչպես է փոխվում
աշխարհակարգը և ինչ պետք է անեն փոքր պետությունները
ոտքի տակ ընկնելու փոխարեն այս իրավիճակից դեռ մի բան
էլ շահած դուրս գալու համար (սփոյլեր՝ մեզ ոչ ոք չի
փրկելու, և մեզնից իսկապես շատ բան է կախված):
Արդյո՞ք
Հայաստանում փախստականների ճգնաժամը կարող է
դառնալ առողջապահական համակարգի բարեփոխման խթան
(Անգլերեն)
Այս ուշագրավ հետազոտության հեղինակները նշանավոր
մասնագետներ են՝ Քրիստոֆեր Մարկոսյանը, Կիմ Հեքիմյանը,
Քենթ Գարբերը, Արա Դարզին և Շանթ Շեխերդիմյանը:
Վերնագիրն ամեն ինչ ասում է, մանրամասները՝
հոդվածում:
Փոքր
պետությունների ռազմավարություններն ըստ
իսրայելական պետական գործիչ և պրոֆեսոր Դեյվիդ
Վայթլի
Սա էլ Էդուարդ Աբրահամյանի հեղինակությամբ երրորդ ամենաընթերցված հոդվածն է, որն այս անգամ
անդրադառնում է մեծ աշխարհում փոքր պետությունների
տեղին, դերին ու հնարավոր ռազմավարություններին։
Իհարկե այսքանով չենք սահմանափակվում, և
Armagora.am հարթակը սեպտեմբերից հանդես կգա
քննարկումները խթանող նոր նախաձեռնություններով:
Միանալու են տարբեր ոլորտների ականավոր
ներկայացուցիչներ և պատասխանելու են օգտատերերի
հարցերին: Յուրաքանչյուր ոք կկարողանա հարցեր ուղղել
նրանց Armagora հարթակի Զրույցներ բաժնի համապատասխան
հատվածում, պատասխաններն էլ կտրվեն և՛ նույն տեղում,
և՛ ուղիղ եթերում:
|
